ქსელური პროექტი _ ,,გამოცანები მშობლიურ ქალაქზე, სოფელზე,  კუთხეზე“

        ჩვენ გახლავართ სსიპ ქალაქ რუსთავის #23 საჯარო სკოლის მეხუთეკლასელები. ჩვენი სკოლა გაიხსნა 1985 წელს. ის ერთ-ერთი დიდი სკოლაა ქალაქში. ქართულ ენასა და ლიტერატურას გვასწავლის პროფ. ლელა კვარაცხელია (ახალაია), რომელმაც შემოგვთავაზა მონაწილეობა მიგვეღო ქსელურ პროექტში „გამოცანები მშობლიურ ქალაქზე, სოფელზე, კუთხეზე“. ჩვენ ძალიან მოგვეწონა ეს პროექტი და გადავწყვიტეთ მონაწილეობის მიღება. ჩამოვაყალიბეთ პროექტის ხელმძღვანელი გუნდი შემდეგი შემადგენლობით:

1. მალვინა ასანიძე,

2. ნიკოლოზ კვირიკაშვილი,

3. საბა გიორგანაშვილი,

4. მარიამ გოჭოშვილი,

5. ნაიდა ოჯახვერდიევა,

       კონსულტაციებს გვიწევს და პროექტს ხელმძღვანელობს ჩევენი მასწავლებელი ლელა კვარაცხელია. ჩვენი კლასის დამრიგებელია მაკა მაჭარაშვილი, რომელიც ასევე დაინტერესდა ამ პროექტით. ის გვასწავლის ისტორიას და გვაწვდის საინტერესო იდეებს. უკვე მოვაწყვეთ ექსკურსია ქალაქ რუსთავის ეთნოგრაფიულ მუზეუმში და ჩავატარეთ საკლასო წერა თემაზე: რუსთავი_უძველესი ისტორიისა და კულტურის ქალაქი.

ფაქტობრივად პროექტში ჩართულია მთელი კლასი, საზოგადოების წინაშე ჩვენინამუშევრების წარდგენას კი სწორედ არჩეულ ჯგუფს ვავალებთ.

       კლასში 27 მოსწავლე ვართ. ვართ მეგობრულები, მხიარულები, ხალისიანები. გვიყვარს ჩვენი ქალაქი და ჩვენი სკოლა. იმედი გვაქვს, რომ ქსელური პროექტის საშუალებით უფრო უკეთ გავიცნობთ ჩვენს ქალაქს, ასევე გავიცნობთ თანატოლებს საქართველოს სხვადასხვა კუთხიდან.